Сенатот на САД вчера едногласно усвои резолуција со која рускиот претседател Владимир Путин се осудува како воен злосторник.

Сенатот на САД едногласно донесе резолуција со која рускиот претседател Владимир Путин се осудува како воен злосторник.
Длабоко поделениот Конгрес на САД покажа единство во случајот на Владимир Путин и едногласно ја поддржа резолуцијата со која рускиот претседател се осудува како воен злосторник. Освен тоа, резолуцијата ги осудува и Руската Федрација, Рускиот совет за безбедност, членовите на руската армија и други лица за флагрантни акти на агресија и други ѕверства кои одат до ниво на воени злосторства.

Со резолуцијата, претставена од републиканскиот сенатор Линдзи Греам и поддржана од сенаторите на двете партии, се охрабрува Меѓународниот кривичен суд во Хаг и другите нации да ја таргетираат руската војска во секоја истрага за воени злосторства извршени за време на руската инвазија на Украина.

Сите ние овде, демократи и републиканци, се здруживме за да порачаме дека Владимир Путин не може да избега од одговорност за злосторствата сторени над украинскиот народ“, рече лидерот на демократското мнозинство, Чак Шумер.
Русија ја нарекува инвазијата во Украина „специјална воена операција“ за демилиатризација и „денацификација“ на Украина. Путин ја нарече Украина и земја колонија на САД со марионетски режим и без традиција на независна државност.
Извор:DW

ОСТАВИ КОМЕНТАР

Please enter your comment!
Please enter your name here