8.5 C
Ohrid
четврток, април 3, 2025
ПочетнаМакедонијаБугарија ќе нѐ снабдува со природен гас како алтернатива на рускиот

Бугарија ќе нѐ снабдува со природен гас како алтернатива на рускиот

spot_imgspot_imgspot_imgspot_img
spot_img

Министерот за економија Крешник Бектеши утрово разговарал со гувернерката на Народната банка за плаќањата на рускиот гас, кои од денес Русија бара да бидат во рубли. Кај нас, министерот Бектеши вели дека не може да се направат такви трансакции.

<

„Имав прилика утрово да разговарам со гувернерката. Немаме уште насока од Европската централна банка имајќи предвид дека во курсната листа на Северна Македонија и Народната банка не е рублата како валута, што значи не може да се направат такви трансакции“, рече министерот Бектеши н денешниот отчет за преземените мерки за ублажување на енергетската криза.

До 15 април, кога завршува грејната сезона, снабдувањето со природен гас министерот Бектеши рече дека е осигурано па ваквата одлука за плаќањето не би направила проблем.

Одлуките што следат, министерот Бектеши вели дека ќе зависат од заедничките одлуки на НАТО и Европската Унија.

„Ние сме членка на НАТО. Секоја одлука што ќе ја носат членките на НАТО заеднички, ние ќе ја почитуваме. Секако дека се прилагодуваме и на санкциите на Европска Унија, имајќи предвид дека сакаме целосно да се интегрираме во Европската Унија. На таков начин, со одредени механизми и нивни и наши сопствени како држава, мислам дека нема да има толку големо влијание имајќи предвид дека ќе најдеме алтернативи, за што сум убеден. Тоа веќе се работи. Таков е новиот интерконектор со Република Грција, нашето директно учество во терминалот во Александропулос, секако и нов интерконектор со Република Бугарија, а Република Бугарија е членка на Европската Унија. Нашиот гасовод е со нив и во случај ако се донесе таква одлука сите други алтернативи ресурси на природен гас со кои ќе се снабдува република Бугарија ќе можеме и ние да ги користиме поради тоа што резервацијата на Гаспром за нашиот гасовод не би требало да важи како што донесе Европската Унија да не важи за Грција меѓу Република Бугарија. Тоа е наше барање директно кон Европската Унија и секако дека таква одлука треба да се донесе’, рече министерот Бектеши.

Рускиот претседател, Владимир Путин, вчера потпиша указ според кој странските купувачи на руски гас од денес мора да плаќаат во рубли. Путин предупреди дека договорите ќе бидат раскинати доколку другите земји не го платат рускиот гас во рубли. Одлуката ја донел за зајакнување на рускиот суверенитет.

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

Лишен и задржан во Полициска станица возачот кој со мопед удри дете и избега

Лишен и задржан во Полициска станица возачот кој со мопед удри дете и избега, ќе биде поднесена кривична пријава Во врска со видеото кое беше...

Кривична за тројца полицајци: Без судски налог влегле во приватен стан при што сакале на сила да го проведат сопственикот.

Одделот за внатрешна контрола, криминалистички истраги и професионални стандарди против полициските службеници М.Т., С.Р. и Ф.Ѓ. поднесе и предлог за поведување на постапка за...

Црвениот крст: Собрани околу 2 милиони евра за помош на семејствата на повредените и починатите во Кочани

Црвениот крст денеска ја изврши и втората исплата за поддршка на семејствата на повредените и починатите во трагичната несреќа во Кочани. Од таму информираат...

Видео кое ја потресе Македонија! Качени на веспа удрија дете и побегнаа. (Видео)

Видео кое ја потресе Македонија! Качени на веспа удрија дете и побегнаа. Видеото е направено во текот на вчерашниот ден и најверојатно се работи за...