10.9 C
Ohrid
четврток, март 28, 2024
ПочетнаСветПолска со воена помош за Украина: Ќе и даде 200стари Руски тенкови.

Полска со воена помош за Украина: Ќе и даде 200стари Руски тенкови.

Полска веќе испрати во Украина стари советски тенкови Т-72 во доволен број за да формира две бригади, што значи над 200 тенка, јавува денеска државната информативна агенција на Полското радио.

„Полска испрати значителен број тенкови во Украина“, потврди шефот на полското Биро за национална безбедност, Павел Солох, за приватната телевизија „Полсат“, но одби да потврди конкретен број.

Полска има околу 400 тенкови Т-72, а само еден дел е одвоен за ремонт и модернизација, додека во Украина беа испратени тие надвор од таа програма, а со тенковите и неколку десетици борбени пешадиски возила, самоодни хаубици и ракетни фрлачи Град, како и ракети воздух-воздух за авиони МИГ-29 и Су-27 што ги користи украинската армија. Полска испраќа и дронови.

„Не можам да дадам конкретни бројки. Можам да ги потврдам претходните зборови на премиерот дека Полска ѝ испрати и ќе продолжи да ѝ испраќа воена помош на Украина, вклучително и тенкови Т-72. Тоа се големи количества“, рече Солох.

Шефот на полското Биро за национална безбедност потсети дека премиерот Матеуш Моравјецки неодамна соопшти дека неговата земја испратила воена помош во износ од 1,7 милијарди евра за Украина.

„Очекуваме дополнително зајакнување на сојузничкото воено присуство. Сите одлуки за испораките од нашите резерви што ги носиме се донесени во контекст на разговорите за зголемено присуство на сојузниците на НАТО. Во моментов имаме 10.000 американски војници во Полска, има и британски, плус почнуваат и воени вежби на нашата територија“, рече Солох.

Полска, исто така, очекува дека, бидејќи ги испраќа своите стари тенкови во Украина, САД ќе побрзаат со испораките на американските тенкови Абрамс, за чие купување неодамна се договори Варшава.
Мкд.Мк

spot_img
spot_img
ПОВРЗАНИ СТАТИИ

Најпопуларни

Повеќе постови

Села оди во коалиција со Ахмети, очекува најмалку пет пратенички мандати

Алијанса на Зијадин Села оди во коалиција со Али Ахмети. Со само еден делегат против било одлучено АА да стапи во коалиција со ДУИ...

Тепачка помеѓу вработени во болница во Карпош

Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени...

Општините ќе можат да конфискуваат дивоградби и наместо да ги уриваат да ги доделат на користење на ранливи групи

Општините ќе можат да конфискуваат дивоградби и наместо да ги уриваат да ги доделат на користење на ранливи групи или младински организации. Како што...

Дуел Ковачевски-Мицкоски на трети април!

Во Среда на 3 април, ден пред стартот на предизборната кампања за претседателските и парлемнатрните избори, Канал 5 телевизија ќе има чест да ви...