Под мотото „сите сме исти“ 29 годишниот Алекса Петровиќ од Јагодина – Србија со својата инвалидска количка учествува на охридскиот маратон „Охрид ТрчаТ“.
Неговиот со-тркач Марко, цели 20 км со трчње ја турка количката, рамо до рамо со маратонците и спортистите.
Нивната порака е силна да запре дискриминацијата на инвалидизираните лица, бидејќи и тие заслужуваат да бидат дел во социјалниот живот.
-„Како што кажал Нелсон Мендела спортот ги поврзува луѓето и тука се губи секаков вид дискриминација помеѓу луѓето. Мене ми е многу важно Алекса пред се да почуствува дека тој овде припаѓа и едноставно да има убави спомени. Што велам јас кога ќе ги погледнеме медалите или некоја слика од нашите трки се сеќаваме на секој детал“, вели Марко Гајиќ – спортист.
Алекса сам се пријавил да учествува на охридскиот маратон, бидејќи во Охрид има роднини. Не се плаши од висините и калдрмата во Стариот град, бидејќи досега истрчале многу маратони, освоиле медали и се први во Европа кој учествувале на планинска трка.
„Нашата најдолга трка е 42 километри цел маратон, го истрчавме во Јагодина. Два пати во Сараево тоа е официјално што сме истрчале. Имаме една треил планинска трка тука сме единствени во Европа со лица со инвалидитет“, додава Гајиќ за Охрид Нет.
Видео Охрид Нет- Рилковска Соња
