Апасиев’: „Ако македонското небо беше забрането и за авионите на НАТО кога го бомбардираа Белград како за Лавров, денес ќе бевме респектирана држава“!

Првата реакција за одлуката да се затвори македонското небо за прелети на летови од Русија, а со тоа и за тамошниот министер Сергеј Лавров, доаѓа од лидерот на Левица и пратеник Димитар Апасиев.
„Да го забраневте македонското небо за прелети на НАТО авионите кои го бомбардираа Белград, на ист начин како што го забранивте прелетот на рускиот министер Лавров за Србија – досега ќе бевме респектирана држава, а не вазална територија владејана од октроирани квислинзи. Окупациона власт“, напиша Апасиев на Фејсбук и додаде хаштаг ‘окупациона власт’.

Од МНР потврдија дека Македонија го одбила барањето на Амбасадата на Руската Федерација за користење на воздушниот простор на земјата за летот на рускиот министер за надворешни работи Сергеј Лавров, кој во понеделник, на 6 јуни, планира посета на Белград.

ОСТАВИ КОМЕНТАР

Please enter your comment!
Please enter your name here