Нема да има седница за пцуењето на Талат, иницијативата одбиена

Седницата на Комисијата за деловнички и мандатно-имунитетни прашања на која претседателот на Собранието, Талат Џафери требаше да одговара за прекршување на Етичкиот кодекс поради пцуењето на собраниски службеници заврши пред да почне.

Откако претседателот на Комисијата, Панчо Минов го стави дневниот ред на гласање со единствена точка на дневен ред поднесената пријава од опозицијата за Талат Џафери, пратениците од власта гласаа против дневниот ред со што седницата не можеше да продолжи.

Минов, по само една минута заседавање, констатираше дека дневниот ред не е усвоен и ја затвори седницата.

Со последните измени на Етичкиот кодекс, пратеник кој направил тешка повреда на Кодексот, за каква се товари Џафери, може да биде казнет освен со јавна опомена, и со суспензија од членство во работно тело во рок од еден месец или пак забрана да претседава со работно тело во времетраење од еден месец.

Минатата недела претседателот на Собранието, Талат Џафери рече дека тој пцуел по неработењето и по односот кој вработените го имале кон работата, а не ги пцуел нив.

ОСТАВИ КОМЕНТАР

Please enter your comment!
Please enter your name here