Граѓаните секојдневно се жалат на поскапување на производите и високи цени во маркетите. Викендов, според Ценометар.мк е забележано е остро поскапување и тоа масло за јадење поскапи од 20 до 25 денари, шеќер од 5 до 8 денари, брашното од 6 до 9, млекото од 6 до 9 денари, оризот од 5 до 7 денари, гравот од 5 до 10 денари.
Исто така, кај многу други, не-основни производи беше забележано зголемување кое е константно. Ваквите инфлаторни притисоци, ќе ја подигнат инфлаторната спирала, и секое зголемување на платите ќе биде попусто.
Во маркетите викендов се забележува дека цените на бананите се движат од 65 до 69 денари, лимонот се продава по цена од 79 до 99 денари, цената на јаболката е од 29 до 79 денари, краставиците се од 35 до 45 денари, печурките од 65 до 112 денари, јогуртот од 54 до 68 денари…
До каде ќе се движат цените во нагорна линија, и до кога ќе може просечниот македонски граѓанин да издржи, останува да видиме.
Од почетокот на месецов престанаа да важат владините антикризни мерки воведени во март за ублажување на последиците од енергетската криза и заштита на стандардот на граѓаните. Основните прехрамбени продукти од 1 јуни повеќе не се продаваат со нула проценти ДДВ, а се враќа и ДДВ-то за бензините на 18 проценти.
За првпат еден литар бензин се продава над 100 денари.
