Организаторите на собирот на поддржувачите на ЛГБТ во Осло ја откажаа годишната Парада на гордоста која требаше да се одржи денес, а тоа е направено на совет на полицијата, по пукање пред популарен геј клуб во кое загинаа две лица.
Организаторите соопштија дека полицијата ги советувала да ја откажат парадата и придружните настани.
„Осло прајд затоа ги повикува сите кои планирале да учествуваат или да ја гледаат парадата да не доаѓаат. Сите настани поврзани со Осло прајд се откажуваат“, соопштија организаторите на Фејсбук.
Осомничениот за нападот е уапсен, а полицијата соопшти дека не верува дека се вмешани други лица.
Во пукањето се повредени 14 лица, од кои осум се префрлени во болница.
