До доцна синоќа траеа препукувањата помеѓу пратениците од власт и опозицијата Законодавно-правната комисија. Измените на Законот за работни односи се разгледани според извештајот потпишан од Снежана Калеска-Ванчевска.
Распрвата ескалираше кога пратениците од ВМРО-ДПМНЕ се обидуваа да и го исклучат микрофонот на Калеска-Ванчевска за да не прогласи крај на седницата, додека пак пратеникот Бајрам Кадрија од ДУИ гo штител микрофонот на пратеничката.
Од СДСМ обивнуваат дека секогаш кога темата правда е на дневен ред огромна е нервозата кај пратениците од ВМРО-ДПМНЕ. Тие објавија видео снимка од случувањата во Собранието.
„ПОГЛЕДНЕТЕ КАКО ПРАТЕНИЦИ И ПРАТЕНИЧКИ ОД ВМРО-ДПМНЕ НЕДОЛИЧНО СЕ ОДНЕСУВААТ, ВЛЕЧАТ МИКРОФОНИ, ВИКААТ, ГРАБААТ ДОКУМЕНТИ ОД РАЦЕТЕ НА ДРУГИ ПРАТЕНИЧКИ. ПО НАЛОГ НА МИЦКОСКИ СОЗДАВААТ ТЕНЗИИ И ПРОВОЦИРААТ ИНЦИДЕНТИ ВО СОБРАНИЕТО ЗА ДА ОБРАНАТ КРИМИНАЛЦИ. ЕДНОСТАВНО Е, КРИМИНАЛОТ НЕ МОЖЕ ДА СЕ ОДБРАНИ, СЕКОЈ ШТО ГО ПРЕКШИЛ ЗАКОНОТ ЌЕ ОДГОВАРА“, ВЕЛАТ ОД СДСМ.
Од ВМРО-ДПМНЕ пак обивнуваат за шверцерски обид за донесување на противуставни измени на Законот за работни односи.
Телма.тв
