Станува збор за лицето во црна облека кој покажа пиштол при инцидентите претходната недлеа. МВР соопшти дека станува збор за лице со иницијали А.Р. кој е роден 1993 година. Тој во полициска станица го признал делото. Со ова, уапсени се трите лица кои јавно беа видени дека имаат пиштол, а еден од нив, Цуфи Кока, истрела два куршума во воздух при протестите против францускиот предлог и заработи кривична пријава.
Денеска полицијата уапси и 37 – годишен скопјанец, за кого има докази дека на протестот пред Собранието фрлал со камења кон полицискиот кордон и кон зграда. Тој со ова, спорд МВР, ги нападнал полицајците кои беа на должност. И тој доби кривична пријава за учество во толпа што ќе изврши кривично дело.
Вчера полицијата уапси уште две лица на 18 и 32 години, двајцата од Скопје. И против нив е поднесена кривична пријава за учество во толпа што ќе изврши кривично дело, бидјеќи ги каменуваа полицајците и Собранието.
Досега полицијата уаспи 27 лица кои учествуваа во протестите и фрлаа со камња или предизвикаа општа опасност.
Инаку, скопското обвинителство веќе поднесе обвинение против 12 лица со кое бара судење поради протесите на 5 и 6 јули.
Деветмина се обвинети дека учествувале во толпа кои извршиле кривично дело со фрлање на камења кон полицијата и собраниската зграда со што беа повредени 26 полицајци, од кои едниот тешко. Додека тројца се обвинети за предизвикување општа опасост.
Еден од нив е Цуфи Кока кој пукаше кај „Скендербег“, другите двајца се кои подготвувале и фрлале молотов коктел. Обвинителството ја процени штетата на Собранието на безмалку 10 000 евра. Дел од обвинетите се во ефективе, дел во домашен притвор.
