Туристите кои летните одмори ги поминуваат во Охрид и Струга велат дека цените се многу високи споредено со животниот стандард на граѓаните во земјава.
„Цените се високи за вашиот стандард, ние сме само две недели тука и ќе се вратиме назад, вие треба да му ја мислите, луѓето овде треба да мислат и да протестрираат, а не да пијат кафе“, вели граѓанин.
Гастрономите и хотелиертите го мислат спротивното! Велат дека Охрид и Струга ги имаат најниските цени споредено со другите туристички места и додаваат дека нивните понуди се доста коректни.
За разлика од пред две години кога беше во ек пандемијата, оваа година двата туристтички града во Македонија се преплавени со турист од земјава, но и од другите држави.
