Активности за изградба на ново мултифункционално спортско игралиште се одвиваат во Велгошти, објави градоначалникот Кирил Пецаков, на својата официјална Фејсбук страница.
<
На просторот од старото игралиште се гради ново мултифункционално спортско игралиште. Во моментов се врши расчистување на теренот, а потоа следува санација на ѕидовите, поставување на нова ограда и поставување на нови реквизити.
“Нашата цел е овозможување на вистински можности за правилен раст и развој за најмладите. Со реализацијата на ова игралиште ќе ги поттикнеме и активираме младите да се дружат и да развиваат здрави навики”, напиша градоначалникот Пецаков.
