26.9 C
Ohrid
сабота, август 2, 2025
ПочетнаМакедонијаКовачевски: „Најтешкиот период во енергетската криза започнува на 1 октомври и ќе...

Ковачевски: „Најтешкиот период во енергетската криза започнува на 1 октомври и ќе трае до април идната година

spot_imgspot_imgspot_imgspot_img
spot_img

Премиерот на Северна Македонија, Димитар Ковачевски, истакна дека овие есен, зима и пролет нè очекува најтешка ситуација во повоената историја на државата….

<

СКОПЈЕ (АА) – Премиерот на Северна Македонија, Димитар Ковачевски, истакна дека овие есен, зима и пролет нè очекува најтешка ситуација во повоената историја на државата, јавува Агенција Анадолија (АА).

Во Кабинетот на претседателот Стево Пендаровски денес се одржа 17-тата седница на Советот за безбедност, на чиј дневен ред беше енергетската криза во Република Северна Македонија и мерките за нејзино надминување.

По завршувањето на Советот за безбедност, претседателот Стево Пендаровски и премиерот Димитар Ковачевски дадоа изјави за медиумите.

Претседателот Пендаровски истакна дека го свикал Советот за безбедност затоа што е важно да се слушнат сите надлежни за енергетската криза која ги засега сите граѓани.

„Не е тајна дека, како и Европа така и нас нè очекува тешка зима. Нарушената безбедност на европскиот континент поради војната во Украина предизвика тектонски промени и неколку кризи кои се чувствуваат во повеќе сектори. По пандемијата сега сме соочени со голема енергетска и економска криза“, нагласи претседателот Пендаровски.

Претседателот Пендаровски истакна дека на денешната седница на Советот за безбедност претседателот на Владата и членовите го информирале за анализите и проекциите на Владата за претстојната сезона есен – зима.

Премиерот Ковачевски, истакнувајќи дека постои реален проблем со недостаток на електрична енергија во Европа, рече дека имаат за цел на сите граѓани на земјата да им обезбедат најниска можна цена на електрична енергија.

Наведувајќи дека најтешкиот период во енергетската криза започнува на 1 октомври и ќе трае до април идната година, премиерот рече имаат за цел на македонските граѓани дома, на сите ученици и студенти, на сите микро, мали и средни бизниси да им обезбедат најниска можна цена на електрична енергија.

„Во најтешката криза по Втората светска војна, нашата основна цел е државата, граѓаните и бизнисот да се задржат, да функционираат и да растат. Ова е ужасно тешка ситуација, нема правдање, јас немам намера тоа да го правам. Оваа есен, зима, и следната пролет е најтешка во повоената македонска држава и ние тоа ќе го издржиме, ќе го пребродиме заедно. Планот за тоа е договорен, денеска презентиран и во претстојниот период се работи за неговата реализација“, додаде премиерот.

Ковачевски, потенцирајќи дека е обезбеден јаглен за РЕК Битола и РЕК Осломеј, мазут за ТЕЦ Неготино и ТЕЦ Битола, како и дизел-гориво и дополнителна електрична енергија рече дека постојат ризици и дека може да има непредвидливи испади на термо блоковите во Битола и Осломеј поради апсолутната застареност на опремата што е постара од 40-50 години.

Во своето обраќање премиерот апелираше да се престане со копањето на криптовалути, процес кој троши многу струја која пак, е субвенционирана.
Извор АА

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

Ангелов: Почитувани граѓани! Сејфти фрст и честит Илинден!

Поранешниот директор на ЦУК, Стојанче Ангелов, со својата карактеристична искреност и хумор, денес ја честиташе Илинденската слава на народот со зборовите: „Сејфти фрст и честит...

„Ворлд’с њуз“ од Сиднеј, во 1903: Грците, Србите, Бугарите, па и Ерменците се должници на Македонците

Во секоја војна за слобода што го означила напредокот на еманципацијата во југоисточна Европа, Македонците учествувале. Македонците се бореле рамо до рамо со Грците...

Градоначалникот Пецаков на литургија за Св. Илија во Велгошти: Нека е за многу години!

Градоначалникот на Охрид, Кирил Пецаков, денес присуствуваше на утринската литургија по повод големиот христијански празник Св. Илија, во црквата „Св. Илија“ во Велгошти. „Нека е...

Ален Деребан: Денес го чествуваме Илинден – симболот на македонската борба, гордост и непокор!

Денес го чествуваме Илинден – симболот на македонската борба, гордост и непокор! Да се потсетиме на храброста на илинденците од 1903 и државничката мудрост на...