Бугарија ја доби Македонија со 1-0 во балканското дерби кое беше повеќе од натпревар од многу познати причини.
Противникот не беше добро пречекан од публиката на националната арена „Тодор Проески“ во Скопје, беше исвиркана химната, фудбалерите, имаше и навреди што донесе реакции кај јавноста во кај источниот сосед.
Некои коментари беа одмерени, но некои беа директна провокација за нас како што се зборовите на поранешниот репрезентативец на оваа земја, Станислав Ангелов. Некогашниот член на Левски, ЦСКА Софија, Енерџи Котбус и Анортозис им се чуди на македонските навивачи зошто ја исвиркувале бугарската химна, химна која според него е на нашите баби и дедовци.
-Мене лично ми е мнгу чудно како може да ја исвиркаш химната на баба ти и дедо ти? Целата работа е многу чудна, но пропагнадата е многу тешка, истакна Ангелов за БНТ.
