Мубера Зендели е Гостиварчанката која ова лето организираше и успеа во нејзината организација да однесе деца со посебни потреби, заедно со нивните семејства на летување во Албанија. Преку нејзинот facebook профил тетка Мубера, како што ја нарекуваат многумина на кои им помогнала и им подала рака кога е потребно успеа да ги собере паричните средства за хотелско сместување и превоз за 13 дечиња со посебни потреби и нивните мајки.
Еден од нејзините апели гласеше: „Ајде мои ФБ пријатели и роднини сите заедно можеме да им овозможиме на Љабинот, Исмије, Мартина, Коќнстантина, Имран, Меџит, Дејан, Денис, Атилан, Мартин, Реџаип 5 дневен престој во Албанија…“ За тетка Мубера сите деца се исти и без разлика на националната или верската припадност, таа испрати деца на одмор кои заедно се дружеа и забавуваа.. Оваа иницијатива за одмор ја организира прв пат и на нејзина среќа и среќа на децата и нивните родители заврши успешно, благодарение на сите кои донираа и и помогнаа во својата цел.
