Генералниот директор на Фондот за осигурување на депозити, Амир Шабани, вечерва во емисијата „10 Минути“ на ТВ21, ги повика граѓаните на РСМ да ги депонираат своите пари во локалните банки бидејќи се осигурани од Фондот за осигурување на депозити.
Меѓу другото, тој даде пример со банката „Еуростандард“ каде граѓаните се обештетени за вкупно над 68 милиони евра.
„Од јануари 1997 година, кога беше основан Фондот за осигурување на депозити, сега имаме 12 отворени ризични предмети. Од тогаш до сега обештетени се над 32 илјади граѓани. Само во последниот случај овој суд отвори постапка за случајот „Еуростандард” банка, потпишав акти со кои се обештетени над 68 милиони евра на граѓаните. Замислете во хипотетичка ситуација што би се случило со финансискиот и банкарскиот систем доколку не постоеше Фондот за осигурување на депозити. Затоа им велиме на граѓаните штедете ги парите во банките бидејќи вашите пари се осигурани од Фондот за осигурување на депозити“, рече Шабани.
