Инфомакс дознава дека минатата недела е подметнат пожат во угосителски објект старата скопска чаршија во сопственост на началникот на Единицата за брзо распоредување во Чаир.
На објектот насилно е отворена влезната врата, а во близина е пронајдено пластично шише кое било користено за пренесување на бензин. Пожарот се проширил за кратко време и целосно ја зафатил внатрешноста на кафулето „Ten/11“ која е речиси во целост уништена.
Пожарот е изгаснат некаде после 3 часот наутро од страна на противпожарната бригата, а потоа е известена и полицијата.
Како што дознаваме при обидот за гаснење на пожарот повреден е уште еден полициски службеник роднина на началникот на ЕБР Чаир. Со изгореници и поради вдишување на поголемо количество чад, полицискиот службеник е веднаш потоа пренесен на Клиника.
Причината за овој настан е непозната за полицијата, но веројатно полицискиот началник одлично е запознаен зошто токму тој се нашол на мета на ваквиот чин.
