Германската полиција нуди 37.500 евра награда доколку некој во јавноста ја препознае и ќе им помогне да ја фатат Босанката Мирнеса С. која е осомничена дека украла повеќе од еден милион евра од компанија во Штутгарт каде што била вработена.
Како што објави магазинот Феникс, нејзиното име е Мики, а наводно работела како келнерка во Штутгарт. Како што пренесува овој портал, по објавувањето на нејзината фотографија на сите германски медиуми, откриен е профилот на Инстаграм на Мирнезе С., а на него таа објави фотографии на кои се гледа како се забавува облечена во брендирана облека.
Како што соопшти полицијата, жена украла повеќе од милион евра од просториите на компанијата на 14 октомври околу 15.10 часот. Таа имала пристап до пари како вработена во компанијата. Кражбата била забележана истиот ден, а полицијата започнала истрага. Во својата изјава не објаснија како извадила толкава сума пари од фирмата.
Осомничената жена е висока 174 сантиметри, со сино-зелени очи и руса коса. Тaa има неколку тетоважи по целото тело, особено на рацете.
– Секој кој знае нешто за 42-годишниот осомничен се замолува да ја контактира криминалистичката полиција на +4971189905778 – соопшти полицијата во Штутгарт.
