11.9 C
Ohrid
понеделник, јуни 23, 2025
ПочетнаМакедонијаПецаков: Спроведувањето на дел од препораките на УНЕСКО би чинело колку општинскиот...

Пецаков: Спроведувањето на дел од препораките на УНЕСКО би чинело колку општинскиот буџет за 1,5 година

spot_imgspot_imgspot_imgspot_img
spot_img

Општина Охрид и Владата, односно ресорните министерства имаат одлична соработка во однос на спроведување на препораките за зачувување на статусот заштитено подрачје во УНЕСКО, потенцира градоначалникот Кирил Пецаков.

<

Тој во интервју за МИА посочи дека спроведувањето на дел од препораките за зачувување на статусот во УНЕСКО би чинело колку општинскиот буџет за една и пол година, но оти ги реализираат работите чекор по чекор. Со помош на централната власт, нагласи, работат на реализација на проектот за изградба на регионална депонија во Новаци, со што ќе се дислоцира депонијата од Буково, како една од забелешките на мисијата.

Во однос на проблемот со дивоградбите во крајбрежниот појас и националниот парк „Галичица“ Пецаков вели дека е потребно да заврши изработката на регистарот за дивоградби и да се донесе генерален урбанистички план, во кој треба да се вклопат дел од споменатите објекти.

ГУП-от очигледно е најголемиот проблем на Охрид и генерирањето на овие дивоградби, бидејќи конечната бројка што ќе ја добиеме како дивоградби во Охрид не се однесува за згради, туку најчесто се семејни куќи и куќарки, дури и многу далеку од центарот на градот. Затоа е битно да се види што е тоа што може да се вклопи, рече Пецаков.

На охриѓани и оние кои ова лето планираат да го посетат охридското крајбрежје им вети дека ќе направи се да уживаат на уредени плажи, онакви какви што му доликува на Охрид. Локалната самоуправа, нагласи, организира низа забавни содржини кои ќе привлечат што поголем број посетители надвор од таканаречениот шпиц на туристичката сезона, а една од тие е „Фестивалот на вода“, што треба да се одржи во втората половина на август. Покрај Охридскиот пливачки маратон оваа манифестација ќе понуди акватлон, трка со кајчиња, ватерполо, регати со едрилици, со кајаци…, но и вечерни забави.

Во интервјуто Пецаков говори и за реализацијата на клучните инфраструктурни проекти ветени во неговата предизборна програма, како што се изградбата на катна гаража, реконструкција на плоштадот „Крушевска Република“ инвестициите во образовниот систем, а најави и изградба на две нови училишни згради.

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

Патот Врбјани Охрид со пресек кај Ботун ќе биде пуштен или 11 или 12 Јули.

Овие геоистраги се при крај, околу 40 отсто се веќе завршени. Врз основа на нив проектантите проектираат модели и типови на заштита на тие...

Храбриот Марко заѕвони на победничкото ѕвонче во детската клиника – болеста е поразена!

Уште една убава и емотивна вест одекна од Клиниката за детски болести во Скопје. Малиот Марко успеа да ја победи тешката болест. Тој храбро заѕвони...

Прилепчанецот Ѓорги сам собираше пари за да стигне до Њујорк – се врати со злато !!!

ПРВО МЕСТО ЗА ПРИЛЕПЧАНЕЦОТ ГЕОРГИ НИКОЛОСКИ НА ПРЕСТИЖНАТА ОЛИМПИЈАДА ВО ЊУЈОРК НО ЗА ДА СТИГНЕ ТАМУ – САМ СОБИРАЛ ПАРИ! Георги Николоски, ученик во трета...

Тамара Гошева со втор златен медал на Државното првенство во атлетика за лица со попреченост

Тамара Гошева СЕ ЗАКИТИ СО ВТОР ЗЛАТЕН МЕДАЛ НА ДРЖАВНОТО ПРВЕНСТВО ВО АТЛЕТИКА ЗА ЛИЦА СО ПОПРЕЧЕНОСТ Од 19-21.06.2025 се оддржаа спортските игри на лицата...