18.9 C
Ohrid
вторник, мај 28, 2024
ПочетнаМакедонијаПриведените лица ќе уживаат во климатизирани комбиња- МВР купува нови климатизирани „марици“...

Приведените лица ќе уживаат во климатизирани комбиња- МВР купува нови климатизирани „марици“ за 815.000 евра!

Секоја од новите „марици“ чини над 40.000 евра. Интервентните возила се климатизирани, имаат безбедносни камери и, меѓудругото, се опремена дури и со УСБ приклучоци. При набавката е планирано детално па дури има и грејачи на ретровизорите. Климатизиран ќе биде и просторот за притворените лица.

Министерството за внатрешни работи (МВР) ќе набави 20 интервентни комбиња, популарно познати како „марици“. Официјалните податоци достапни на веб страницата на Бирото за јавни набавки покажуваат дека МВР ќе купи 20 комбиња од марката „Рено“ кои ќе ги користи за присилно приведување на проблематични осомничени лица или хулигани кои го кршат јавниот ред и мир и пружаат отпор.

Секоја од „мариците“ чини 35.500 евра без ДДВ. За сите 20 комбиња за приведување МВР ќе плати над 815.000 евра.

Согласно со тендерската постапка „Аутомотив Груп“ од Скопје како носител на набавката целосно го покрива и гарантниот период од 2 години што значи дека ќе овозможи редовно одржување кое вклучува замена на филтри и моторно масло, сет ребраст каиш. Воедно носителот на набавката во гарантниот период дава 2 годишна гаранција и на сите вградени елементи, уреди и ентериер на возилото кои се предмет на доработка.

На овој тендер се јавиле три компании понудувачи, а планираната вредност на набавката била 1,24 милиони евра со вклучен ДДВ. Вредноста на набавката е за 44 отсто пониска од планирната вредност на набавката. Покрај „Аутомотив Груп“ на тендерот се јавиле и „Мој дилер“ и „Еуроимпекс“ ДОО.

Повеќе детали за оваа набавка и за новите „марици“ се достапни на следниот лни https://e-nabavki.gov.mk/PublicAccess/home.aspx#/dossie-acpp/d439f80d-7b46-4198-a959-0cedcd05c809

Какви ќе бидат најновите „марици“ во флотата на МВР?

„Мариците“ се произведени 2023 година, со дизел агрегат, ЕУРО 6, од 2.300 кубици кои произведуваат сила од 99 киловати. Возилата ќе бидат со шест брзини, ќе тежат до 3,5 тони. Новите интервентни возила ќе бидат опремени со системите: АБС, ЕСП и АСР, електронска блокада на диференцијал и систем за помош при возење на угорница.

Мариците ќе бидат климатизирани, ќе имаат централно далечинско заклучување, серво волан, ЛЕД светла, две воздушни перничиња за возачот и совозачите на предна клупа, сензори за паркирање, борд компјутер, магленки и грејачи на ретровизорите кои се подесуваат електронски.

Климатизација ќе има и за приведените лица, а во делот каде тие се сместени ќе има безбедносни камери, за штитени од можно кршење.

spot_imgspot_img
spot_img
spot_img
ПОВРЗАНИ СТАТИИ

Најпопуларни

Повеќе постови

Силјановска Давкова: На венецот сакав да пишува РС Македонија, но немаше место

Претседателката Гордана Силјановска Давкова објасни зошто на венецот што го положи на гробот на сесловенските просветители, браќата Кирил и Методија во Рим, не го...

Змија во мензата во студентскиот дом „Стив Наумов“

Директорот на Државниот студентски дом Скопје (ДСД Скопје), Виктор Велевски за Мета.мк потврди дека змијата влегла во студентската менза и дека институцијата е запознаена...

Гром удрил во авионот на македонските одбојкари

Враќањето на македонските одбојкари кои учествуваа на турнир од Европската златна лига во Белгија е пролонгирано, бидејќи вчера гром удрил во авионот за време...

Арбен Таравари ќе биде министер за здравство

Актуелниот градоначалник на општина Гостивар Арбен Таравари ќе биде идниот министер за здравство во Владата предводена од ВМРО-ДПМНЕ, дознава ТВ21. Таравари, воедно беше и претседателски...