Надзорна камера го покажува последното место каде што се видени двете девојчиња од Струмичко, Антонија Јанкова (12) и Радмила Иванова (14), по кои од попладнево трагаат пријатели, роднини, полицијата.
Ова е споредна уличка од булеварот „Кочо Рацин“, меѓу трговскиот центар „Веро Џамбо“ и Олимписки базен.
Девојчињата биле дојдени на еднодневна посета на Саемот за книги во Скопје.
Трага им снемува околу 16 часот, недостапни се на телефоните.
Родителите ги молат граѓаните ако некој ги забележи веднаш да пријави во МВР или да се јави на телефонскиот број, а во Скопје се дојдени и многу роднини кои се вклучени самоиницијативно во потрагата. Се постираат и видеа на социјалните мрежи каде се видени девојчињата последен пат.
