Поради закани, засилено e обезбедувањето во клиниката каде го чуваат малолетниот убиец Коста Кецмановиќ. Тој изврши масакр во своето училиште во Белград, каде деновиве уби 9 и рани 7 луѓе.
Коста нема наполнето 14 години и тој не одговара кривично за делото. Утврдено е дека момчето го планирало убиството еден месец, а со прегледувањето на неговиот телефон потврдено е дека свесно го извршил масовното убиство затоа што непосредно пред кривичното дело на интернет го пребарувал Кривичниот законик на Србија со цел да истражи дали децата можат кривично да одговараат.
Татко му е во притвор. Адвокатот Раде Кнежевиќ денеска за Танјуг изјави дека вината за несоодветно чување оружје и муниција доколку биде потврдена ќе ја сноси таткото на малолетникот Коста К, кој изврши невидено кривично дело во основното училиште „Владислав Рибникар“.
„Веројатно ќе се утврди дека оружјето и муницијата биле недоволно обезбедени, доколку дојде до таков настан“, рече Кнежевиќ.
Тој објасни дека постои хипотетичка можност малолетникот да се фатил за оружјето, а таткото да не е виновен. Сепак, додава дека шансата за тоа е мала и додаде дека постои и кривично дело занемарување на образованието на дете, каде што не само таткото би бил одговорен, туку и мајката.
