Ковачевски: Сфатив дека ВМРО-ДПМНЕ сака да биде дел од власта, па тогаш братски е да земат половина од министерските места на СДСМ

Јас морам да изразам задоволство од лидерската средба со Мицкоски. Таа средба даде добри резултати, сите можевме да се увериме дека после средбата, ВМРО-ДПМНЕ го промени својот став и поддржува уставни измени кои значат вклучување на други народи во Преамбулата во нашиот Устав, вклучително и Бугарскиот народ, вели во интревју на телевизијата Алсат премиерот Димитар Ковачевски.
При подготовката за таа средба, јас кажав дека гледајќи го дискурсот на ВМРО-ДПМНЕ, сфатив дека тие сакаат да бидат дел од власта, од процесот и дека треба да се онуди една широка влада, прво да го отовриме уставот сите заедно, ВМРО-ДПМНЕ да влезе во Владата, да ги земе 50% од местата на СДСМ, тоа сметам дека е најфер, братски. Ова не е борба за политички поени туку работа за носење на одлука која ќе овозможи Македонија да го продолжи својот европски пат и до 2030 година да станеме членки на ЕУ.