По бројните реакции ова лето, Охрид од наредното ќе забрани одржување на турбофолк концерти на СРЦ Билјанини Извори и ќе го следи примерот на неколку хрватски градови кои веќе оваа година забрануваа такви концерти.
Градоначалникот на Охрид Кирил Пецаков најави дека повеќе нема да може да се закупи стадионот без да се каже каков настан ќе се одржува.
Тој вели дека организаторите си го гледаат сопствениот ќар, но од идното лето, вакво лудило повеќе нема да има.
Од другата година ќе биде поинаков принципот, прво да добиеме потврда каков настан ќе има, а потоа ќе одлучи општината дали ќе го дава или нема да го дава тој настан. Да бидам прецизен, ќе има селекција,толку“, изјави Пецаков.
Поранешниот амбасадор и драмски писател Јордан Плевнеш пак вели дека треба да се пронајде вистински начин за да се одбрани Охрид како еден свет град на европската и светската цивилизација.
„И да биде лишен од тој вид на присуство на она што вие го нарекувате секојдневен кич,во кој што се преплетуваат различни интереси кои се далечни од нашите соништа за Охрид”, рече тој
