Таткото на Вања им дал информации на киднаперите, Палевски го пиштол ја усмртил девојката, рече министерот за внатрешни работи, Оливер Спасовски објаснувајќи ги деталите за киднапирањето на прес-конференција.
МВР под водство на ОЈО во текот на изминатата ноќ го расчисти слуучајот откако вчера се добија информации и се обезбедија докази и беа пронајдени телата на двете лица кои се водеа за исчезнати. Иако за жал завршиницата не не доведе до исходот кој го посакувамвме сите, да ги пронајдеме живи, туку и малолетничката и 74-годипното лице од Велес беа најдени убиени и закопани во близината на Скопје, односно во Велес. Сакам да изразам најдлабоко сочуство до семејствата на жртвите, ова го велам во името на сите.
Во врска со двата случаи осомничени се пет лица од кои три се веќе во притвор. Едно е надвор од земјава, а таткото на малолетничката е приведен и со него е извршен распит.
Како што сте запознати, мотивот е користољубие, при што едно од лицата во договор и со знаење на член на семејството организирало извршување на кривичното дело со цел да изнудат пари од мајката на Вања – рече Спасовски.
Што се однесува до лицето од Велес кое нема врска со Вања, поради нерасичстени односи со осомничените, му е одземено возилото. Малолетничката била одземена во влезот на зградата откако претходно според исказите на осомничените, таткото споделил информација со организатоеите за денот на излегувањето на девојчето, откри Спасовски.
– Главен организатор и извршител кој со пиштол на 27 ноември според сегашните докази е осомничениот Палевски, кој некаде околу 10 часот ја усмртил малолетничката. Ветувам дека овој монструм на кој му ја следиме трагата, час поскоро да стапне на наше тло, да биде изведен пред судот – додаде министерот.
