Александар Китески, секретар на Општина Охрид:
Денес опозицијата во Советот на општина Охрид, предводена од СДС, на седницата за ребаланс на буџетот на општината, без трошка срам и одговорност пред граѓаните, гласаше ПРОТИВ реализација на следните инфраструктурни проекти:
• Изградба на Катна гаража во Општина Охрид;
• Реконструкција на линиски инфраструктурен објект кој ги поврзува село Велгошти со село Лескоец;
• Реконструкција на дел од улица Даме Груев од кружна крстосница улица Јане Сандански со Питу Гули до пресек со булевар „Туристичка“;
• Реконструкција на линиски инфраструктурен објект на дел од улица „7ми Ноември од кружна крстосница „Охридска Банка“ до пресек со улица „Егејска“;
• Реконструкција на линиски инфраструктурен објект населба „Бараки“;
• Реконструкција на потег дел од улица Петрино до пресек со улица Караорман село Лескоец;
• Проект за употреба и одржување на урбан простор и парк на дел од „Кеј Македонија“;
• Реконструкција на линиски инфраструктурен објект локален пат за село Завој,
• Реконструкција на линиски инфраструктурен објект улица во село Долно Лакочереј крак 2;
• Проект за линиски инфраструктурен објект локален пат од село Лескоец до село Горно Лакочереј;
• Реконструкција на линиски инфраструктурен објект за постоечки локален пат од кампот Љубаништа до главен пат;
• Реконструкција на линиски инфраструктурен објект за дел од улица Кленоец и дел од улица Петрино;
• Реконструкција на линиски инфраструктурен објект на дел од улица „Партизанска“ – населба Охридати.
Сдс Охрид гласаше ПРОТИВ проекти кои многу значат за граѓаните на Охрид, за проекти кои претходно додека беа власт без срам ги лажеа граѓаните дека ќе бидат реализирани.
Знаеме дека многу ви е тешко дека конечно оваа локална власт со помош на централната власт предводена од ВМРО-ДПМНЕ работат во интерес на граѓаните кои ги гласаат на избори, ама барем требаше да бидете достојни и да гласате за ребалансот на буџетот кој и без вас беше донесен од страна на мнозинството во Советот и конечно овие проекти ќе станат реалност во Охрид.
Само вие продолжете да гласате против интересите на градот и граѓаните и така никогаш не сте работеле во нивен интерес, а граѓаните за вашето однесување ќе ви го дадат одговорот на претстојните локални избори.
