ЗАМИСЛИТЕ: Се будиш на први петли, не оти алармот ти ѕвонел, ами оти сонце ти влегло во соба, се загреваш уште малку со љубената/иот и рипаш од кревет свеж ко арслан, одиш на чешма да измиеш очи со вода за која не добиваш сметки, ами е од Бога ГРАТИС, на враќање собираш некоја прачка за потпал, цепиш уште две-три од оние што планината ти ги ДАЛА, не си ги платил 3000 за кубик, пука огнот а ти земаш житото годинешно, кое не си го купил, ами во нива ти расте, па одиш да им фрлиш на кокошките и петлите, собираш 5-6 јајца од утрина снесени да им дадеш на децата, млекото е веќе измолзено топло и не е во тетрапак од 60 ден, лебот е вчерашен ама уште мириса на фурната и на рацете кои го меселе, од ланската ракија уште има а веќе се прави новата, шпајзот мириса на собрани јаболка, круши, грозје и ореви за зимата, слатко од дуњи и диви смокви за заблажување, месото е исушено и испушено зад куќи, и не е 10 евра и нема листерија, сирењето – направено, ајварот измешан, патлиџанот исушен за на зима да не јадеш кечап, тутунот е насечен за качак, оти родил во изобилие, ширата веќе вино се сторила, а комшијата ВЕЌЕ стои на врата, дошол на ракија и МУАБЕТ, БЕЗ ДА ТИ СЕ НАЈАВИ НА ФЕЈСБУК!
И ЗАМИСЛИ: сето тоа ти се родило без субвенции, немаш рата за кредит и не ти треба да земеш, немаш ни сметки за вода, оти имаш, за струја – оти не ти треба, за мобилен – оти кој ти треба ќе го најдеш, комшијата на врата не е ИЗВРШИТЕЛ, ами пријател, кај што должиш ќе вратиш со рака помош или со она што ти се родило, никој не ти кажува што да пиеш и јадеш оти баба ти и дедо ти те научиле, немаш казни за кал на копитата на магарето оти закон не го фаќа, не се будиш со ОГЛАСИ – оти имаш цела нива пред тебе за работење, и не плаќаш ни во прв, ни во втор, ни во трет фонд, оти и кога ќе остареш – НИВАТА ПАК ЌЕ РАЃА, и водата пак ќе тече, и шумата пак ќе буи…
И да, можеш да се скараш по дома и да не платиш 2500 евра, оти кавгата до утре е заборавена, а евра по дома не чуваш!
ПА СЕГА, ЗАМИСЛИ ТИ!
На здравје нека ни е,сами си сееме, сами си жнееме!
Еве зошто праедовците ни живееле дури по 100 години, а ние денес како глувци паѓаме уште на 40.
