Годишно во Србија се произведуваат околу 20.000 тони ореви, но ова не е ниту дел од она што може да се набере ако се засадат повеќе.
Сепак, во последните неколку години, интересот на српските земјоделци расте токму за одгледување на овој плод, затоа што може да генерира висок профит.
Владан Терзиќ од селото Тврдиши има плантажа со ореви повеќе од две децении, а неговата фарма има застапени наразновидни сорти.„Лошото време влијаеше на количината на родот, но на крајот сепак успеавме да гсе избориме. Оваа година имавме добри приноси и квалитетни плодови што завршија на продажба“, раскажува Владан за српските медиуми, додавајќи дека оревите се лесни за производство.
“Не бара многу инвестиција, лесно е да се одржи. Полесно е да се одгледува и од лешник, а заработката е приближна. Не треба многу труд, не му пречи мразот и е отпорен на болести.Единствено за заработката мора малку да се почека“, вели Владан.
Инвестицијата во оревите започнува да се исплатува во десетата година по садењето, а уште во петнаесетата приносите се зголемуваат, така што е можно да се заработат десет илјади евра по хектар.
Експертите велат дека векот на експлоатација на ова растение е исклучително долг и трае од 50 до 80 години, па залудно не се вели дека оревот е засаден за потомство, затоа што од него може добро да живеат внуците и паравнуците.
Faktor
