„Ден полн со адреналин. Слетавме на носачот на авиони „Хари С. Труман“, сподели министерката за одбрана Радмила Шекеринска на својот ФБ профил.
„Заедно со премиерот Зоран Заев и шефот на парламентот Талат Џафери, таму имавме средба со адмирал Џејмс Фого, командант на американските поморски сили за Европа и Африка и командант на Здружените сојузнички сили на НАТО во Неапол.
Тоа беше можност одблиску да се доживеат импресивните капацитети на воздушно поморските сили на САД и на НАТО. Стануваме 30. членка на Алијансата и веќе сме дел од семејството“, додава министерката.
