Кривичен го продолжил домашниот притвор за актерката Силвија Стојановска и затворскиот притвор на Воислав Будисавлевиќ потврдуваа од Судот за Телма. Двајцата осомничени беа приведени како дел од мегународната акција во која беа фатени 700 килограми кокаин. Акцијата ја спроведувале заедно македонските, со полициските служби на Шпанија и Колумбија, а во координација на службата за борба против дрога на САД-ДЕА и беа приведени 5 мина осомничени во Скопје и Мадрид.
Македонските истражни органи открија дека во Шпанија во моментот на преземање на кокаинот биле уапсен и братот на Будисављевиќ и уште двајца шпански државјани а за двајцата македонски државјани упасени во Скопје се води истрага за дело “Неовластено производство и пуштање во промет на наркотични дроги, психотропни супстанци и прекурсори“ . Од обвинителството велат оваа истрага е се уште во тек.
На прес-конференцијата одржана пред нова година беше соопштено:
Идентификуван е и документиран модусот на организирање и транспорт на наркотична дрога-кокаин, кој опфаќа: набавка на наркотична дрога – кокаин од Колумбија и нејзино пренесување преку Атланскиот Океан во Шпанија за натамошна продажба со цел стекнување противправна имотна корист. Лидер на оваа група е првоосомничениот кој заради впишана забрана за патување во земјите од ЕУ, го ангажирал својот брат со кого остварувал редовни контакти и средби во Скопје и во овој период ги договарале чекорите за пренесување и дистрибуција на кокаинот. Откако биле договорени сите детали за преземањето на наркотичната дрога-кокаин од Мадрид, на почетокот на месец декември, второосомничената по инструкции на сопругот направила резервација на апартман во Мадрид на име на неговиот брат плаќајќи ја со сопствена кредитна картичка. Исто така, второосомничената во текот на месец октомври оваа година, отпатувала за Мадрид за да во име на нејзиниот сопруг од НН, шпански државјанин подигне парични средства во износ од 10.000 евра, најверојатно поврзани со криминалните активности на оваа криминална мрежа. Карактеристично за оваа организирана криминална група е тоа што комуникацијата се одвивала на лични и непосредни средби остварени помеѓу членовите на организираната криминална група и тоа во Скопје, Мадрид, Белград, Дубаи, Канкун и Картагина и преку интернет комуникација со висока заштита.
Запленетата дрога при продажба на големо би достигнал цена во вредност од околу 20 милиони евра, соопштија од македонското МВР.
