Феим Муратов, братот на Атиџе од „Медена земја“, во разговор за „А1он“ раскажува за животот со својата сестра во селото Бекирлија, каде што се снимаше документарецот, кој е номиниран за „Оскар“. Тој вели дека не може без сестра си и додава: „Атиџе не ја давам, каде што оди таа, таму сум и јас. Кога оди во Скопје или на друго место, постојано ја мислам“. На ден пред доделување на „Оскарите“, вториот дел од разговорот со Атиџе и нејзиниот брат кој првпат проговори пред камерите.
Муратов вели дека очекувал Атиџе да стане ѕвезда и за тоа многу се радува. Тој ја научил да вади мед од пчелите, па раскажува дека првин бегала, а потоа се навикнала. Атиџе многу му е благодарна на својот брат бидејќи бил покрај неа во најтешките моменти. Со пчелите зборува и пее, а раскажа и како Феим и го спасил животот кога ја нападнала змија.
