Вицепремиерот Бујар Османи, сакајќи да ја претстави едногодишнината од посетата на папата Франциско во Скопје, на својот твитер-профил објави фотографија како се поздравува со папата.
И сето тоа беше во ред сè додека твитерџиите не ја пронајдоа оригиналната фотографија, на која се гледа дека Османи всушност не бил сам додека се ракувал со папата.
Објавената фотографија на твитер Оригиналната фотографија
Очигледно е дека вицепремиерот интервенирал на оригиналната фотографија и ги избришал сите луѓе околу него, за да изгледа дека е всушност сам при ракувањето.
Не треба да бидете аматер за да ја видите лошо направената фотомонтажа на Османи. Фотографијата е сечена нестручно, до тој степен што на главата на вицепремиерот останало неисечено и увото на еден од присутните, па фотографијата станува уште покомична со тоа што на темето на Османи се гледа трето уво.
