Поранешниот тренер на Охрид, а сегашен на Динамо Врање, Драган Антиќ во неделата околу пет часот останал без автомобил марка „Ауди“, откако некое непознато лице му го запалило скапото возило.
На српските медиуми беше објавена и снимката на која може да се забележи како едно маскирано лице доаѓа до автомобилот, го полева со бензин и потоа го пали.
Антиќ претходно изјави дека знае кој стои зад инцидентот, па чека полицијата да го уапси.
– Немам дилема кој стои зад ова. Тоа го кажав и минатата недела. Јас во Врање немам непријатели, не му должам на никого. Ова се луѓе од Сурдулица – кажа Антиќ.
