Во последниве 10 години речиси 66 000 Мaкедонци добиле бугарско државјанство. Овој податок денеска денеска бугарската министерка за правда го презентираше пред бугарските пратеници.
Ахладова презентираше извештај според кој од 1 јануари 2010 –та до 22 октомври годинава, биле поднесени вкупно 77.829 барања од македонски државјани и речиси сите биле засновани на нивно бугарско потекло.
Податоците на бугарското министерство за правда покажуваат дека секоја година варира бројот на поднесени барања за добивање бугарско државјанство, но најголем интерес имало во 2018-та кога биле поднесени речиси 13 000 апликации.
Токму овој податок беше искористен од страна на бугарските пратеници за потткнување дебата според која Македонците сакаат да извадат бугарско државјанство кое ги прави граѓани на Европската унија, додека во Македонија се води како што велат недопуслива политика против Бугарија.
