Се огласија Вевчанци во врска со палењето на бугарското знаме..
Во целост ви го прикажуваме нивното соопштение:
Св.Василија Вевчани е обичај под маски стар над 1400 години. Овој обичај ги надминал и најголемите светски империи. На Св. Василија сите лидери биле исмејувани до крај. Паѓале царства, гореле нивни макети, се палеле знамиња и никој ништо не рекол. Луѓето си биле паметни и сфатиле дека тоа е дел од маската.
Бугарската власт сега, се фатила за запалено бугарско знаме кое е неоригинално т.е споено од посебни платна со цел маската да биде поинтересна. Вевчанскиот василичар научен од долгогодишната традиција за палењето на маските, очигледно не бил свесен за медиумската расипаност што демнее над Вевчани, па несвесно и во пијана состојба го ставил знамето во огнот. Сите знејме дека во Бугарија има избори за 2-3 месеци и дека треба да се креваат рејтинзи.
Реакциите од Министерката Захариева се преоптимистички и со крајна мера за политички интереси. Вевчани отсекогаш е голем пријател со Бугарија. Ако сме ги навредиле долгогодишните пријатели Бугари, им се извинуваме за ненамерното постапување.
