Вицепремиерот и генерален секретар на СДСМ, Љупчо Николовски по некулудневна пауза поради одмор во Дубаи се јави на социјалните мрежи. Тој на „Фејсбук“ напиша дека неговата партија е подготвена за “демократски” конгрес на кој има само еден кандидат за претседател, Зоран Заев.
<
– Сè е подготвено за првите директни внатрепартиски избори коишто на 21 март, ги организира токму СДСМ. Во 80 општини ширум земјава, во секоја Општинска организација на СДСМ, в недела ќе бидат отворени гласачките места. Со почитување на сите здравствени протоколи, македонските социјалдемократи бираат Претседател. СДСМ е и ќе биде прва во промените, напиша Николовски на Фејсбук, додавајќи дека време е за нови политики и нов чекор во уште поголема внатрешна демократија.
