Најновите технологии кои се присутни во електричите автомобили, најдоа примена и во земјоделските машини.
Kомпанијата Ztractor произведува три модели на електрични трактори: Bearcub 24, Mars 45 и SuperPilot 125. Bearcub 24 е најмалиот модел и е наменет за органски мали фарми.
Mars 45 e е солиден избор без обзир на големината на фармата, може да користи 250 посеви и 150 разни тракторски додадоци како ротациони фрези и плугови. SuperPilot 125 е наменет за големи фарми и работи со 50 приклучоци, како култиватор, садилка…
Фармерите може да ги користат своите компјутери, мобилни телефони и таблет компјутери за да ги постават границите во кои ќе се движат овие самоуправувачки електрични трактори, а оној кој управува мора да остане во растојание до 8 километри. Нивниот систем има 67 сензори, шест камери, GPS и собира податоци во реално време додека работи на полето.
Bearcub 24 има батерија со капацитет од 24 kWh која овозможува осум часа работа со едно полнење, моделот Mars 1о часа, а SuperPilot 125 часа со едно полнење на батеријата.
Животниот век на овие трактори е најмалку 15 години, а батеријата се менува после осмата година.
Најмалиот модел Bearcub 24 чини 42.000 долари (околу 35.000 евра) и веќе е достапен за купување, а останатите два модели треба да се најдат во продажба наредната година.
