Македонија го доживеа вториот пораз на дебитантскиот настап на Европското првенство во фудбал откако не успеавме да ја победиме репрезентацијата на Украина.
Иако игравме добро, брзите два гола во првото полувреме за Украина беа решавачки за натпреварот.
Во второто полувреме Македонија се врати во игра со гол постигнат по пенал кој беше досуден по груб страт над капитенот на македонската репрезентација Горан Пандев.
Младиот фудбалер Џани Алиоски го промаши пеналот, но постигна гол по одбиената топка и одбраната на украинскиот голман.
Македонија натаму имаше неколку шанси, кои завршија без реализација.
Играч на натпреварот за Македонија дефинитивно беше голманот Столе Димитриевски кој одбрани неколку тешки удари, но и пенал по играта со рака на Аврамовски.
Она што е важно е тоа што македонските играчи го оставија срцето на терен и покажаа со овој натпревар дека се достојни да играат на едно вакво натпреварување.
Веројатно притисокот си го направи своето па во првото полувреме им ги врза нозете на македонските играчи, сепак имавме достојно второ полувреме за едно вавко големо натпреварување.
Главата горе момци!
инфомакс
