Претседателот на Собранието Талат Џафери во интервју за емисијата 24 анализа изјави дека не го прекршил Уставот со обраќањето на албански јазик на Комитетот за надворешни работи во Брисел во рамки на Самитот „Европски парламент – Западен Балкан“.
„Го користев моето природно право, вродено како и на секој човекл во земјава. На било кој јазик да зборував јас го претставував Собранието на Северна Македонија во најдбро можно светло.“ – изјави Џафери.
Тој рече дека целоосно го почитува Уставот и дека не се извинил ниту на коалицискиот партнер СДСМ и смета дека не направи никакво прекршување на Уставот. Вели, не е ограничен и дека ги почитува Собранието и Уставот и нема потреба да се правда и да инстистира да ги искажува работите на статиусот на Македонија во регионот. Истакна дека не се раководи од емоциите.
