Најголемата опозициска партија, ВМРО-ДПМНЕ бара психијатриска опсервација за премиерот Зоран Заев посочувајќи дека не е нормално однесување за премиер да оди на одмор кога во државата се случуваат огромни пожари.
-СДСМ води пироманска политика. Додека народот голта чад, гаси пожари со кофи и стравува за своите животи и имоти, премиерот Заев пие коктели и се лади.
Вистински предмет на стручна опсервација треба да биде премиерот Заев, штом во услови кога Македонија гори тој може безгрижно да ужива на одмор.
Секој одговорен државник кога земјата му е загрозена или се соочува со природна катастрофа, откажува состаноци и активноста, а не пак да замине на одмор. Очигледно на премиерот Заев му е поважен одморот од народот.
Ова само потврдува дека освен што се неспособни се и неодговорни.
Народот повеќе не очекува одговори од СДСМ и Заев, туку очекува одговорност, стои во партиското соопштение не ВМРО-ДПМНЕ.
