Многу е едноставно, или ќе се вакцинирате, или не може да одите во кафулиња и кафеани и таму да ја ширите заразата. Вака може да се парафразира пораката што денеска ја пренесе министерот за економија, Крешник Бектеши, околу најновите владини мерки.
На пресконфеенција тој појасни дека потврдите за вакцинирање ќе се бараат на влез на угостителеските објекти.
„При влез на секој гостин во угостителски објект ќе се бара потврда за вакцинација и тоа ќе го прават редарите што ќе ги организираат менаџерите на угостителските објекти, тоа е нивна обврска. Но, угостителските објекти што имаа капацитет помал од 30 луѓе немаат обврска да органзираат редарска служба. Во објектите кои имаат обврска да организираат редари ако најдеме невакцинирано лице, казна не плаќа тоа лице туку угостителот“, објасни Бектеши.
На новинарското прашање дали ова значи дека во кафуле со помал капацитет од 30 луѓе може да се оди невакциниран, тој децидно кажа: „Не“, објаснувајќи дека иако нема да има редарска служба во овие објекти, Државниот пазарен инспекторат може да изврши контрола, но прашање е што во таков слулчај, дали некој ќе биде казнет?
Пишува: Фактор
