Се заострува реториката меѓу Левица и ВМРО-ДПМНЕ. Откако Левица ја одби најголемата опозициска партија за настап на локалните избори деновиве се зголемува интензитетот на конфротирање меѓу нив. Денеска лидерот на Левица Димитар Апасиев им рече копуци и напиша.
„Настраниот однос помеѓу ДПМНЕ и ЛЕВИЦА најарно го опиша пратеникот Крмов. Ми вика, брат, се осеќам како во некоја мазохистичка веза со овие, каде ние како некоја домаќинка го јадеме ќотекот, ама за доброто на фамилијата (државата) не го пријавуеме мажот у полиција!? Значи, ставот на ДПМНЕ vis-à-vis Левица е следниов:
„Ние кога ве плукаме е за доброто на НАЦИЈАТА. Вие кога се браните – не!
Ние кога ве местиме во закони е, исто така, за доброто на нацијата. Вие кога се буните – не!“
p.s. Мрш бре таму, копуци, вели Апасиев.
