ВМРО-ДПМНЕ се вознемири, си го покажа уште еднаш своето лице. Вистината ги боли, па прелепуваат билборди, соопштија од СДСМ.
Тие го повикуваат Христијан Мицкоски да излезе на прес конференција и да ги повика сите граѓани да се вакцинираат и да ги почитувате мерките..
-Ајде Мицкоски, ти излези пред јавноста и упати јасен повик сите граѓани да се вакцинираат, во интерес на нивното здравје и заштита на колективното здравје. Не лицемерно, незрело и неодговорно. Без лаги, без измислувања, без манипулации, велат од владеачката партија.
СДСМ обвинува дека на почетокот на август на својата Фејсбук страница Мицкоски објави дека лично веќе бил вакциниран.
-Пред неколку дена пак, на први септември, јавно на телевизија кажа дека се вакцинирал еден ден претходно. Затоа што „бил лимитиран„ и не можел да оди по кафани. Прашањето е сега кога Мицкоски се вакцинирал, на почетокот на август или во вторникот, на 31 август? Очигледно е дека државата со мерките го убеди антиваксерот Мицкоски да се вакцинира, стои во соопштението на владеачката партија.
Lokalno.Mk
