Кандидатот за градоначалник на Град Скопје од СДСМ, Петре Шилегов денеска го потпиша Кодексот за фер и демократски избори.
– Денеска со дел од кандидатите за градоначалник на Град Скопје, го потпишавме Кодексот за фер и демократски избори. Со потписниците на овој Кодекс, заеднички се обврзавме дека изборната кампања ќе ја водиме во фер и демократски услови, кои подразбираат доследно почитување на Уставот и законите во текот на целата кампања, истакна Шилегов.
„СДСМ како и досега, на овие избори ќе води фер и позитивна кампања со која пред граѓаните ќе даде отчет за сработеното и ќе ги промовира програмите кои носат напредок за општините.
Со најдобрата кадровска и програмска понуда, СДСМ е убедлив фаворит и извесен победник на претстојните избори на кои граѓаните ќе ги потврдат успешните политикии ќе одберат развојот на општините да продолжи со СДСМ“ – информираат од партијата.
