Стружанецот Васко Јолески (36) од 2011 има дијагностицирана срцева слабост и веќе една година живее приклучен на батерии, со вградена пумпа во срцето. Начинот на живот е диктиран од самата болест и вклучува намалена физичка активност, строг режим на исхрана и примање течности и зголемена чувствителност на временските прилики. Вели дека животот не е лесен.
Денеска градоначалникот Пецаков оствари средба со Васко Јолески, претседател на Националното здружение на пациенти со механичка потпора на срце ,,Храбро Срце”.
На средбата искажа силна поддршка за оваа група граѓани ветуваќи дека секогаш за сѐ што е во рамки на законските регулативи е подготвен да помогне.
Исто така на средбата беше договорено и ослободување од плаќање на надомест за паркирање на оваа група на граѓани.
Исто така градоначалникот дава и силна поддршка за напорите на здружението кои ги прави во борбата за подигнување на свеста за органодарителството.
