Оливер Спасовски, министерот за внатрешни работи вечерва од студиото на ТВ21 во емисијата „Клик Плус“ коментираше за новиот лидер на СДСМ Димитар Ковачевски.
Спасовски за Ковачевски кажа дека му е чест што новиот лидер му е сограѓанин од Куманово и дека фамилијарно се блиски.
„СДСМ покажа сериозен демократски капацитет, и во една ваква ситуација во која сите заедно се наоѓаме, покажа висока демократска свест. Избравме нов претседател, тоа е другарот Димитар Ковачевски. Ми е дополнителна чест и задоволство што новиот лидер е од Куманово, инаку ние сме многу блиски и семејни односи“, рече Спасовски.
Спасовски одговори на прашањето дали очекува раководно место во СДСМ со новиот лидер?
-Знаете како, личните релации не треба да се доведуваат во врска со политиката никако. Близината, релациите, тоа што сме граделе со децении како наша лична врска е нешто што не треба да не отперетува ниту мене, ниту претседателот ниту било кој друг. Реков дека, сепак, сите тие кадровски решенија ќе треба да се базираат на визијата на новиот претседател. Затоа го споменав концептот. Концептот на Ковачевски во компањата е да се обединиме, да работиме посветено и одговорно во партијата“, вели Спасовски.
