„Потешко е да се чуваат новородени јагниња отколку бебиња“. Вака тврди мајката на 4 деца, Галина Мирчева.
Галина Мирчева и нејзиниот сопруг долго време живееле во Шпанија, но решиле да се вратат во родната Бугарија и да отворат фарма. Сега имаат над 1.000 овци, но на почетокот не вило вака.
Во 2005 година таа и нејзиниот сопруг Борислав Василев почнале да се занимаваат со земјоделство – обработувале 7.000 декари земја, а подоцна одлучиле дека е добро да почнат да одгледуваат животни, бидејќи веќе имале обезбедено сточна храна. Изборот на Галина паднал на овците, затоа што мислела дека тие се полесни за чување отколку кравите. Почнале со 250 грла овци, што според неа е минимален број за отварање на фарма со овци
„Немавме доволно пари, а оваа раса беше најевтина“, го објаснува својот избор Галина. „Па дури и за нив морав да земам заем од роднини, а потоа подигнав кредит“, раскажува таа.
И иако животните биле избрани се покажало дека расата е недоволно млечна. Затоа Галина почнала да работи на подобрување на производството на млеко со овци од израелската раса Асаф.
Под интензивни услови за размножување во Израел, овците Асаф се јагнат 3 пати во две години. Просечниот принос на млеко варира од 330 до 350 литри во различни години, а во некои фарми достигнува и 400 литри. Просечната плодност е 150-160 јагниња на 100 овци. Содржината на масти во млекото е 7,2 проценти, а содржината на протеини е 5,5 проценти.
Дојдовме со огромна желба да работиме, да постигнеме нешто парите спечалени со многу труд да ги вложиме во нешто што ќе ни донесе профит.
Погледнете ја нејзината извонредна приказна, како со многу работа, желба, знаење и љубов за една професија се постигнуваат резултати..
