Oд ВМРО-Народна партија, на екс премиерот Љупчо Георгиевски предлагаат годинава со Бугарите да славиме заедничка битка.
Велат дека на 29-ти ноември 1944 година во завршницата на Февруарскиот поход, третата борбена група составена од еден македонски баталјон и бугарскиот баталјон „Христо Ботев“ под команда на главниот штаб на македонската војска во кумановско го разбиле вардарскиот четнички корпус. ВМРО-Народна партија предлага оваа голема битка од Втората светска војна конечно на државно ниво да биде одбележана, затоа што никогаш во овие 78 години и се нема дадено државно значење и одбележување.
„Тоа дотогаш било една од најголемите битки и најголемата победа во која помалубројните партизани разбиле единица од 800 македонски четници. На тој начин му било ставено крај на движењето на македонските четници кои до 1943-та година биле многу побројни и од македонските партизани“, додаваат од партијата.
Инаку, неодамна бугарска делегација се поклони на гробот на револуционерот Гоце Делчев.
faktor
