Полициски екипи го обезбедуваат атарот на селото Бујковци каде очевидци велат дека виделе бело летало кое многу ниско се движело над нивите и претпоставувале дека воздухопловот паднал, објави Телма.
Се уште не е познато за што се работи, бидејќи во моментот на случувањето на инцидентот немало ниту еден пријавен воздухоплов во воздух на територија на цела Македонија.
Жителите, кои пријавиле во полиција, тврделе дека се работи за беспилотно летало дрон.
Поради дождот, облаците и веќе спуштената ноќ не е возможна воздушна проверка на теренот со хеликоптери.
По двочасовна проверка, полицијата се повлече од местото на блокадата. Засега нема официјално известување што е откриено и за што станува збор.
