Рускиот виролог Андреј Ботиков, кој помогна да се развие вакцината Спутник V против корона вирусот, е пронајден мртов во стан во Москва, јавуваат медиумите.
Андреј Ботиков е еден од 18-те научници кои учествувале во развојот на вакцината Спутник V во Националниот истражувачки центар Гамалеја.
Тој беше пронајден задавен во неговиот дом во Москва. Истражниот комитет на Русија започна истрага за неговото убиство. Се сомнева дека 29-годишен маж го задавил научникот со појас, а потоа побегнал од местото.
Според официјалните информации, тој наводно бил убиен од разбојник кој упаднал во неговиот дом. Во меѓувреме, полицијата го привела осомничениот и тој ја признал вината. Од 2014 година, Андреј Ботиков работи во Националниот истражувачки центар Гамалеја.
ⓘ
Тој беше во тимот на научници што ја развиваа руската вакцина против корона вирусот. Неговата смрт дојде само две недели откако рускиот генерал-мајор Владимир Макаров наводно извршил самоубиство откако бил ослободен од должноста.
Од почетокот на војната во Украина, голем број високи руски функционери и олигарси се пронајдени мртви под мистериозни околности.
Извор:Инфомакс